Mga Tungkulin ng Wika

1. Instrumental -

Ito ang tungkuling  ng wikang tumutugon sa mga pangangailangan ng tao gaya ng pakikipag-ugnayan sa iba.

 Halimbawa:

 Ang paggawa ng liham  pangangalaka, liham sa patnugot, at pagpapakita ng mga patalastas tungkol sa isang produkto, na nagsasaad ng gamit at halaga ng produkto.

          

2. Regulatoryo -

Ito ang tungkuling ng wikang tumutukoy sa pagkontrol sa ugali o asal ng ibang tao.

             

            halimbawa:

            Ang pagbibigay ng direksiyon                   gaya ng pagtuturo ng lokasyon ng             isang partikular na lugar;                           direksiyon sa pagluluto ng isang                 ulam; direksiyon sa pagsagot sa                 pagsusulit; at direksiyon sa                         paggawa ng anumang bagay.

3. Interaksiyonal -

Ang tungkuling ito ay nakikita sa paraan ng pakikipag-ugnay ng tao sa kanyang kapwa;

                        halimbawa: 

Pakikipagbiruan; pakikipagpalitan ng kuro-kuro tungkol sa partikular na isyu; pagkukuwento ng malulungkot o masasayang pangyayari sa isang kaibigan o kapalagayang-loob; paggawa ng liham-pangkaibigan; at iba pa.

4. Personal -

Saklaw ng tungkulin ito ang pagpapahayag ng sariling opinyon o kuro-kuro sa paksang pinag-uusapan. kasama rin dito ang pagsulatng talaarawan at journal, at ang pagpapahayag ng pagpapahalaga sa anumang anyo ng panitikan.

5. Heuristiko 

Ang tungkuling ito ay ginagamit sa pagkuha o paghahanap ng impormasyong may kinalaman sa paksang pinag-aaralan.

halimbawa: Kasama rito ang pag-iinterbyu sa mga taong makasasagot sa mga tanong tungkol sa pagsang pinag-aaralan; pakikinig sa radyo; panonood sa telebisyon; at pagbabasa ng pahayagan, magasin, blog, at mga aklat kung saan nakakukuha tayo ng mga impormasyon.

6. Impormatibo -

Ito ang kabaligtaran ng heuristiko. Kung ang heuristiko ay pagkuha o paghanap ng impormasyon, ito naman ay may kinalaman sa pagbibigay ng impormasyon sa paraang pagsulat sa pasalita.                                                                
Halimbawa:Ang ilang halimbawa nito ay pagbibigay-ulat, paggawa ng pamanahong papel, tesis, panayam, at pagtuturo.

PARAAN NG PAGBABAHAGI NG WIKA

1. Pagpapahayag ng Damdamin (Emotive) 

- Saklaw nito ang pagpapahayag ng mga saloobin, damdamin, at emosyon.

2. Panghihikayat (Conative)

- Ito ay ang gamit ng wika upang makahimok at kamaimpluwensiya sa iba sa pamamagitan ng pag-uutos at pakiusap.

3. Pagsisimula ng pakikipag-ugnayan (Phatic)

- Ginagamit ang wika upang makipag-ugnayan sa kapwa at makapagsimula ng usapan.

 4. Paggamit bilang Sanggunian (Referential)

- Ipinakita nito ang gamit ng wikang nagmula sa aklat at iba pang sangguniang pinagmulan ng kaalaman upang magparating ng mensahe at impormasyon.

5. Paggamit ng kuro-kuro (Metalingual)

- Ito ang gamit na lumilinaw sa mga suliranin sa pamamagitan ng pagbibigay ng komento sa isang kodigo o batas.

6. Patalinghaga (Poetic)

- Saklaw nito ang gamit ng wika sa masining na paraan ng pagpapahayag gaya ng panulaan, prosa, sanaysay, at iba pa.

halimbawa: